Bu ilin 8 ayı üzrə operativ məlumatlara görə, hasil edilmiş 21,8 milyon ton neftin 17,6 milyon tonu ixrac edilib.

Publika.az xəbər verir ki, bu barədə Energetika naziri Pərviz Şahbazov özünün “Tvitter” səhifəsində məlumat verib.

Nazir qeyd edib ki, ötən ilin eyni dövrü ilə müqayisədə 9,7 faiz artımla hasil edilmiş 30,6 milyard kubmetr qazın 14,4 milyard kubmetri ixrac edilib.

Göstərilən dövrdə Avropaya 7,3 milyard kubmetr, Türkiyəyə 5,4 milyard kubmetr, Gürcüstana isə 1,7 milyard kubmetr qaz ixrac olunub. Bu dövrdə qazın ixracı 23 faiz artıb.