“Sentyabrda Ukraynanın işğal olunmuş ərazilərində Rusiyanın tərkibinə daxil olmaq üçün referendum keçirilə bilər”

Publika.az xəbər verir ki, bu sözləri Ağ Ev Milli Təhlükəsizlik Şurasının sözçüsü Con Kirbi deyib.

Bu barədə jurnalistlərə açıqlama verən Kirbi “Rusiya lideri Putin 2014-cü ilin ssenarisini təkrarlayır” deyərək, Ukraynanın Rusiya tərəfindən işğal olunmuş bölgələrinə artıq rusiyapərəst idarəçilərin təyin edilməsinə diqqət çəkib.

Kirbi Rusiyanın bu istiqamətdə “qanunsuz” addım atacağı təqdirdə ABŞ-ın çox sərt cavab verəcəyini də bəyan edib.