Putin bu dəfə orduya onları cəlb etdi - "Ailələrinə deyilib ki..."
Rusiyada hərb sahəsində ciddi kadr çatışmazlığı yaranıb.

Gundem.az xəbər verir ki, Britaniyanın "Dailymail" qəzetinin yazdığına görə, Rusiya Prezidenti Vladimir Putin kadr probleminə həll yolu tapmaq üçün fövqəladə qərar verib. Belə ki, Rusiya Ukraynada döyüşmək üçün məhbusları orduya cəlb etməyə başlayıb. Bildirilir ki, əməliyyatı Putinlə əlaqəsi olduğu bilinən Vaqner qruplaşması həyata keçirib.

Məhbusların "Ukraynada nasistləri ovlamaq üçün" muzdla alındıqları deyilir. İşə götürülən hər məhbusa aylıq 300 manat civarında maaş verildiyi, 6 aydan sonra sağ-salamat qayıtdıqları təqdirdə cəzalarının ləğv ediləcəyi açıqlanıb.

Məhbuslardan birinin qohumu deyib ki, müstəntiqlər məhkumlarla danışıb vətəni müdafiə etməyi xahiş ediblər və sözlərini belə davam etdirib:

"Məhkumlara deyilib ki, nasistləri tapmaq asan deyil, ona görə də hamı geri qayıda bilməyəcək. Hakimiyyət bəyan edib ki, gedənlərin yalnız 20 faizinin geri dönməsini gözləyirlər. Sağ qalan məhbuslar əfv olunacaq və 200 min rubl pul mükafat veriləcək. Ölənlərin ailələrinə də 5 milyon rubl təzminat vəd edilib. Amma bütün bu razılaşmalar yalnız şifahi olacaq və heç vaxt kağıza yazılmayacaq”.


Məlumatda məhbusların ailələrinin bu vəziyyətdən narahat olduqları bildirilib.