Türkiyə prezidenti Rəcəb Tayyip Ərdoğan İrana səfər edəcək.

Publika.az xəbər verir ki, səfər iyulun 19-da gerçəkləşəcək.

Ərdoğanın səfərində əsas məsələnin Türkiyənin Suriyada PYD/YPG terrorçularına qarşı gözlənilən yeni əməliyyatı olduğu ehtimalı böyükdür. Tehran bu əməliyyata qarşı çıxır, həmçinin, Suriyada Əsəd rejiminin qüvvələri ilə birlikdə mümkün əməliyyata qarşı hazırlaşır.

Son proseslər Türkiyənin yeni əməliyyatını Rusiya və ABŞ-la razılaşdırdığı fikrini önə çıxardı: Lavrovun Ankaraya səfəri və verilən açıqlamalar, o cümlədən, Ankaranın Finlandiya və İsveçin NATO üzvlüyünə qoyduğu vetonu götürməsi arxa planda müəyyən razılaşmalardan xəbər verir.

Türkiyə yeni əməliyyatını İranla da razılaşdırmaq, Tehranın ən azı neytrallığına nail olmaq niyyətindədir. Ərdoğanın Tehrana səfərinin məqsədinin bu olduğu istisna deyil.