"Surenavandakı Ermənistan-Rusiya bitum zavodundan məlumat aldıq ki, Azərbaycanın neft şirkəti SOCAR gürcü vasitəçilərinin köməyi ilə zavodu almaq üçün danışıqlar aparır. İl yarıma yaxındır ki, zavod demək olar ki, ləğv olunub, cəmi bir neçə işçi qalıb, fabrikin telefonlarına cavab verilmir, ona görə də rəsmi məlumat ala bilmədik".

Bu fikirlər erməni xəbər saytı "hraparak"da Şahverdiyan soyadlı müəllifin yazısındandır. Erməni müəllif qeyd edir ki, Azərbaycanın neft şirkəti SOCAR uzun illərdir Gürcüstanın ən böyük vergi ödəyicisidir, o, Azərbaycan Dövlət Neft Şirkətinin yanacaqdoldurma məntəqələrini, onların anbarlarını, qazını, boru kəmərləri və digər infrastrukturunu qorumaq adı altında Gürcüstanda 5 min nəfərə yaxın ordu saxlayır:

"Xidmətə əsasən Gürcüstan-Azərbaycan vətəndaşları cəlb olunub və onlar silah bacarıqlarını təkmilləşdirmək üçün ildə bir neçə dəfə təlim keçirlər. Surənavan kəndində bitum zavodu 2006-cı ildən fəaliyyət göstərir və inqilabdan bir il yarım sonra bağlanıb. Zavod asfalt istehsalında istifadə olunan neft məhsulu olan bitum istehsalı ilə məşğul olub. Mika Bağdasarov fabrikin erməni səhmdarlarından biri olub. Əvvəl yazmışdıq ki, yol tikintisi ilə fəxr edən inqilabi hökumət bu erməni-rus şirkətinin məhsullarından istifadə etməyib, İrandan idxal edib və bu da zavodun bağlanmasına səbəb olub. İndi faktiki olaraq Rusiya şirkəti öz yerini Azərbaycan şirkətinə verəcək və bunlar Türkiyə və Azərbaycanla münasibətlərin normallaşması üçün ilk çiçəklərdir", deyə müəllif fikirlərini tamamlayır.