Azərbaycanda koronavirusun "Omikron" ştamı ilə bağlı son vəziyyət açıqlanıb.

Ucnoqta.az xəbər verir ki, səhiyyə naziri Teymur Musayev deyib ki, dünyanın bir çox ölkələrində "Omikron" ştamı yayılıb və Azərbaycanda da ştama yoluxmalar artır.
"Ona görə hər bir şəxs maska rejiminə, sosial məsafəyə və fərdi gigiyena qaydalarına əməl etməlidir. Karantin rejiminin daha da sərtləşdirilməsinə əsas yoxdur, vəziyyət nəzarət altındadır. Mövcud olan çarpayı fondu, reanimasiya çarpayı fondu, tələb olunan tibbi avadanlıq və dərman təchizatı ən yüksək səviyyədədir. Bu baxımdan bir problem yoxdur.

Təbii ki, yoluxmaların gedişatı növbəti addımların atılmasını müəyyən edəcək”, - deyə nazir bildirib.