“Əvvəlcə Ermənistan ordusunun zabit və əsgərlərini Bakı həbsxanalarından azad edin, sonra “Qazaxıstanın işğalına” başlamaqla lovğalanarsınız”.

Publika.az xəbər verir ki, bu barədə müxalifətdə olan Respublika Partiyasının sözçüsü Eduard Şarmazanov Ermənistan hakimiyyətini tənqid etdiyi zaman bildirib.

Şarmazanov ələ keçirilən erməni diversantların Bakıda keçirilən son məhkəmə prosesini əsas gətirərək, Ermənistan hakimiyyətini acizlikdə və xainlikdə ittiham edib.

Qeyd edək ki, KTMT-yə rəhbərlik hazırda Ermənistanda olduğu üçün “sülhməramlı” qüvvələrin Qazaxıstana yeridilməsi ilə bağlı qərarı bu ölkənin baş naziri Nikol Paşinyan verib. Paşinyan hakimiyyəti prosedur qaydası olan bu addımdan siyasi təbliğat məqsədilə də istifadə edir.