Türkiyə Prezidenti Rəcəb Tayyib Ərdoğana qarşı sui-qəsd təşkil etməyi planlaşdıran PKK terrorçuları partlayıcıları Suriyadakı həmkarlarından aldıqlarını etiraf ediblər.

Qafqazinfo.az “Daily Sabah”a istinadən xəbər verir ki, sui-qəsd planının təfərrüatı açıqlanıb.

Bildirilir ki, terrorçulardan birinin 2015-2016-cı illərdə Nusaybin rayonunda terrorçular xəndək qazarkən PKK terror təşkilatı tərkibində döyüşərkən öldürülən qardaşı Şeyhmus A. olduğu müəyyən edilib.

Şeyhmus Fırat İlhan (Kod adı: A.Roni) adlı terrorçunun Suriyadan ona zəng edərək partlayıcıları ona köçürdüyünü etiraf edib. Daha sonra bomba gecə saatlarında Nusaybin rayonundakı bir terror qruplaşması tərəfindən zabitin maşınının altına qoyulub.

Terrorçu bombanın təhlükəsizlik qüvvələri tərəfindən aşkarlanmasından sonra detonatoru dərəyə atdıqlarını da etiraf edib.

Şeyhmus A. terror qruplaşmasının səngərlərdə məğlubiyyətin qisasını almaq üçün Ərdoğanı öldürmək istədiyini bildirib.

Qeyd edək ki, dekabrın 4-də Türkiyə Prezidenti Rəcəb Tayyib Ərdoğanın Siirtdəki mitinqinə təyin olunmuş polis məmurunun avtomobilinin altına qoyulmuş partlayıcı qurğu son anda tapılıb.