“Rusiyanın Xarici İşlər Nazirliyinin ATƏT-in Minsk qrupunun həmsədrlərinin Qarabağa səfərinin təşkili ilə bağlı açıqlaması, Kremlin Azərbaycana təyziq vasitəsidir. İlk növbədə Minsk qrupunun həmsdlərinin Xankəndiyə səfəri status məsələsini gündəmə gətirə bilər. Rusiya çalışır ki, bununla situasiyanı gərginləşdirsin”.

Kanal.az xəbər verir ki, bu fikirləri Konkret.az-a açıqlamasında politoloq Məhəmməd Əsədullazadə səsləndirib. O bildirib ki, Moskvanın əsas planı Azərbayacana öz təkliflərini qəbul etdirməkdir: “Azərbaycanın xarici işlər nazirinin Fransanın XİN rəhbəri ilə görüşü və aparılan danışıqlar Parisin mövqeyində müəyyən yumuşalmalara gətirib çıxarıb. Məhz Fransa XİN-in bəyanatında “Qarabağ münaqişəsi” deyil, Ermənistan və Azərbaycan arasında böhran ifadəsi işlədildi və bu cür xarakterizə edildi. Fransa bu bəyanatına baxmayaraq, Minsk qrupu çərçivəsində ABŞ və Rusiya ilə eyni olaraq Ermənistanın maraqlarından çıxış edəcək. Ona görə də Ermənistan tərəfi daima Minsk qrupunun fəaliyyətinin bərpa edilməsinə çalışır”.

Politoloqun sözlərinə görə, Minsk qrupunun regiona səfəri və danışıqları Azərbaycanın maraqlarına uyğun deyil: “Rəsmi Bakı belə bir formata o halda razılıq verməlidir ki, həmsədrlər Ermənistan və Azərbaycan arasında mövcud olan 10 noyabr və 11 yanvar razılaşmalarının yerinə yetirilməsinə və iki ölkə arasında sülhün əldə edilməsinə çalışsın. Minsk qrupuna belə bir mandat verilməldidir. Halbuki, Minsk qrupunun hazırda mandatı bitib. Ona görə də belə bir mandatla regiona və Qarabağa səfərləri qəbuledilmzədir. Milli Cəbhə Partiyası olaraq Minsk qrupunun fəaliyyətini məqbul etmirik və bu format Azərbaycanın milli suverenliyini təhdid edir”.