Məşhur rusiyalı ekspert Aleksandr Duqin bildirib ki, Rusiya və Türkiyə bundan sonra hərbi və iqtisadi baxımdan bir daha üz -üzə gəlməyəcək.
“Ölkə.Az” “haber7”yə istinadən xəbər verir ki, bu fikri Ərdoğanla Putinin Soçi görüşünün yekununu şərh edərkən deyib.

Duqininin sözlərinə görə, bu görüşdə hər iki ölkənin dövlət başçıları qırmızı xətləri və yeni bir dünya xəritəsini çəkdilər.

“Türkiyə və Rusiya yeni bir yola qədəm qoydular və bu, bölgənin dinamikası baxımdan bütün dünyaya təsir edəcək”, - o qeyd edib.

Soçidəki son görüşlə bağlı məlumatlara malik olduğunu qeyd edən Duqin deyib ki, Ərdoğan və Putin dünya tarazlığı baxımından hansı tərəfi tutacaqlarını müzakirə edərək və mövqelərini paylaşıblar.

“Bura kürd xəritəsindən Krıma, Əfqanıstandan Liviyaya, Qafqazlardan Suriyayadək olan bütün məsələlərdə tərəflər öz qırmızı xətlərini müəyyənləşdirdilər”, - o vurğualyıb.

Suriya məsələsinə toxunan Duqin deyib ki, ABŞ bu ölkədən çəkilsə belə, böhranı bundan sonra da davam etdirəcək. O baxımdan ondan sonra vəziyyəti müəyyən edəcək faktor Rusiya, Türkiyə və İran olacaq.

Krım məsələsinə toxunan Duqin deyib ki, Rusiyanın bu mövzuda heç bir güzəştə getməyəcəyi ehtimalı azdır: “Rusiya Krımı öz ərazisi olaraq görür. Ukrayna ilə münasibətlərimiz də Türkiyənin Yunanıstanla problemləri kimidir. Türkiyə Krım iddiasından əl çəkərsə, Rusiya da Şimali Kipr Türk Cümhuriyyətini hüquqi bir dövlət olaraq tanıyacaq”.

Ankara Moskva münasibətlərinin perspektivinə toxunan Duqin deyib ki, Rusiya və Türkiyə bundan sonra hərbi və iqtisadi baxımdan bir daha üz -üzə gəlməyəcək: “Rusiya Türkiyənin Mavi Vətən doktrinasını dəstəkləyir. Aralıq dənizi gücünü möhkəmlədən Türkiyənin qazma işləri, həmçinin Liviya məsələnin həllində həlledici rol oynayır. Bu baxımdan, Rusiya Türkiyənin möhkəmlənməsinə dəstəkləyir”.

Mürtəza
Ölkə.Az