"İran Azərbaycanın hərəkətlərini cəzasız qoymayacaq".

Qalanews xəbər verir ki, bu sözləri Sputnik Ermənistan-a şərqşünas Artem Tonoyan bildirib.

İran ilə Azərbaycan arasındakı münasibətlərin son gərginləşməsi, əlbəttə ki, Gorus-Qafan yolunda iranlı sürücülərin saxlanılması ilə əlaqədardır. Tehran üçün Azərbaycanın bu cür hərəkətləri gözlənilməz idi. Daha da gözlənilməzi odur ki, saxlanılan iranlı sürücülərin məsələsi həll olunmayıb.Vəziyyət birbaşa İran və Azərbaycan danışıqları vasitəsilə həll olunmur.

"Faktiki olaraq, 44 günlük müharibə zamanı olduğu kimi, Türkiyə də məsələyə cəlb olunur.Üç ölkənin xarici işlər nazirlərinin iştirakı ilə görüş təyin olunması təsadüfi deyil", - deyə Tonoyan qeyd edib.

Eyni zamanda, Tonoyanın fikrincə, burada İsrail amili də var. "İran on illərdir ki, öz tərəfdaşları vasitəsilə İsrail üçün problem yaradır. İndi İsrail belə hərəkət etmək qərarına gəldi və özünə Azərbaycanın simasında tərəfdaş tapdı."

"İran öz təzyiqini artıracaq. Azərbaycanla sərhəddə elan edilməmiş təlimlər nəinki dayandırılmır, Tehran ora yeni qüvvələr göndərir ", - deyə Tonoyan bildirib.