“Avqustun 31-dən sonra ölkəmizdə xarici ölkənin hərbçilərini görmək istəmirik”.

Kanal.az xəbər verir ki, Röyters agentliyinə açıqlama verən “Taliban” sözçüsü Zahibullah Mücahid belə açıqlama verib. O bildirib ki, xarici qüvvələrin ölkədən çıxması ilə bağlı müddəti uzatmaq niyyətləri yoxdur. Sözçü Kabildəki beynəlxalq hava limanının təhlükəsizliyini təmin edən türk hərbçilərin ölkədə qalıb-qalmayacağı ilə bağlı suala da aydınlıq gətirib:

“Türkiyə ilə yaxşı münasibətlər qurmaq istəyirik. Lakin Əfqanıstanda türk hərbçilərinə ehtiyacımız yoxdur. Kabil hava limanını qorumaq üçün kifayət qədər qüvvəmiz var”.

Qeyd edək ki, Türkiyə və digər xarici ölkələrin hərbçiləri ilə yanaşı Əfqanıstanda Azərbaycanın 120 sülhməramlı hərbçisi var.