Ermənistan Prezidenti Armen Sarkisyan Ermənistan-Azərbaycan sərhədindəki vəziyyətin Geqarkunik istiqamətində gərginləşməsi ilə əlaqədar erməni ordusuna dəstək verdiyini bildirib.

Qalanews Sputnik Armenia-ya istinadən xəbər verir ki, bu barədə prezident administrasiyasının yaydığı bəyanatda deyilir.

"Ötən gecə Azərbaycan Ermənistan sərhədində baş verən hadisələr yenidən hərbi əməliyyatlara səbəb oldu.Qurbanların ailələrinə və qohumlarına başsağlığı verib, yaralıların tez sağalmasını arzulayıram" deyə o bildirib.

"Ölkəmizin silahlı qüvvələrinin Azərbaycana mütənasib cavab verə biləcəyinə əmin olmaqla, ordumuza, təhlükəsizlik və sərhədlərin qorunması məsələlərində iştirak edən bütün digər qurumlara, eləcə də ölkə əhalisinə dəstəyimi bildirirəm". deyə o bildirib.

Xatırladaq ki, iyulun 28-də Ermənistan Silahlı Qüvvələri Azərbaycanın dövlət sərhədində atəşkəsi pozub. Ermənistan Müdafiə Nazirliyinin yerli vaxtla saat 08.30-a olan məlumatına görə, Ermənistan tərəfdən 3 hərbçi ölüb, 2-si yaralanıb.

Rusiya Federasiyasının sülhməramlı qüvvələrinin vasitəçiliyi ilə saat 10.00-dan etibarən bu sahədə atəşkəsin dayandırılması barədə razılığa gəlinib. Ermənistan Müdafiə Nazirliyinin məlumatına görə, hazırda razılaşmaya əsasən əməl olunur.