" Ermənistana qarşı yeni iddialar irəli sürməyə çalışarkən Azərbaycan yenidən regional təhlükəsizlik və sabitliyi sarsıtmaq istəyir. "

Qalanews xəbər verir ki, bu barədə Ermənistan Xarici İşlər Nazirliyinin «Armenpress» xəbər agentliyinə verdiyi şərhdə, Azərbaycan Xarici İşlər Nazirliyi nümayəndəsinin verdiyi açıqlamalara cavab olaraq bildirilib.

"9 noyabr tarixli üçtərəfli bəyanatda azərbaycanlıların Ermənistan Respublikasına qaytarılması barədə heç nə deyilmir. Əgər belədirsə, ermənilər də Naxçıvan, Bakı və Sumqayıt şəhərlərinə qayıtmalıdırlar." deyə məlumata əlavə olunub.

Xatırladaq ki, bundan əvvəl Azərbaycan Xarici İşlər Nazirliyinin rəsmi nümayəndəsi Leyla Abdullayeva qeyd edib ki, «Azərbaycan xalqının tarixi yaddaşında indiki Ermənistan ərazisi Qərbi Azərbaycan kimi tanınır», indiki Ermənistan Respublikasından olan qaçqınlar isə öz evlərinə qayıtmalıdırlar.