ABŞ dolları 2018-ci ilin mayında qeydə alınan səviyyəyə düşüb.

Redaktor.az xəbər verir ki, bu məlumatı “Blumberq” agentliyi yayıb. Hazırda dünyada dollar avroya nisbətdə 1% ucuzlaşıb.

Məsələ ilə bağlı saytımıza danışan iqtisafçı ekspert Natiq Cəfərli dolların dəyərdən düşməsini ABŞ-dakı prezident seçkiləri ilə əlaqəli olduğunu bildirib:

“ABŞ tarixində nadir baş verən hadisələrdəndir ki, seçki bitdikdən sonra da yekun nəticə əldə olunmayıb. Sanki ölkədə iki cəbhə yaranıb. Bu da təbii olaraq dünya və ABŞ birjalarına mənfi təsir göstərir”.

Ekspert dolların qiymətinə təsir edən digər səbəbdən də bəhs edib:

“Dolların məzənnəsinə Federal Ehtiyat Sistemi (FED) açıqlamasının da təsiri oldu. FED dünən faizdə dəyişiklik etmədiyini açıqladı. Sistemin açıqlamasından belə məlum oldu ki, hələ bir müddət dollar bolluğu davam edəcək. Bu da o deməkdir ki, indiki böhranın davam edəcəyi müddətdə ABŞ itisadiyyatına daha çox dolların daxil olması gözlənilir. Əlbəttə, bu boluq da dolların məzənnəsinə mənfi təsir göstərir”, - deyə iqtisadçı bildirib.