“Koronavirus pandemiyasından əvvəlki dövrdə “Bakı Metropoliteni”ndə iş günləri ərzində 800 min nəfər daşınıb”.

Oxu.Az-ın məlumatına görə, bunu Nazirlər Kabineti yanında operativ qərargahın KİV nümayəndələri üçün keçirdiyi brifinqdə “Bakı Metropoliteni” Qapalı Səhmdar Cəmiyyətinin (QSC) sədri Zaur Hüseynov bildirib.

O qeyd edib ki, şənbə günləri 600 min nəfər, bazar günləri 450 min sərnişin daşınırdı:

“Yanvar-fevral ayında 39 milyon sərnişin daşınıb. Amma koronavirus pandemiyası dövründə daşınma azaldı”.

Sədr əlavə edib ki, yeni qaydalara əsasən, maskasız şəxslər metroya daxil ola bilməyəcəklər:

“Metrodan yalnız xüsusi icazəsi olan şəxslər istifadə edə bilərlər”.