İşğal edilmiş Azərbaycan torpaqlarında yaradılan qondarma “respublika”nın Moskva nümayəndəliyi bu dəfə 2016-cı ilin aprel döyüşləri ilə bağlı bəyanatla çıxış edib.

Moderator.az Rusiya mediasına istinadən xəbər verir ki, rus jurnalistin “2016-cı ildə Azərbaycan ordusu erməniləri məğlub edərək irəliləyirdi və yalnız Rusiyanın müdaxiləsindən sonra bu proses dayandı” fikri separatçı qurum təmsilçisinin xoşuna gəlməyib. Hər kəsə məlum olan bu həqiqəti ciddi-cəhdlə inkar etməyə çalışan Albert Andryan, Rusiyanın aprel döyüşlərində onlara heç bir yardım etmədiyini vurğulayıb. O, qeyd edib ki, əgər Azərbaycanın hücum əməliyyatını davam etdirmək fikri olsaydı, Rusiyanın müdaxiləsinə rəğmən də bunu edərdi. Bu səbəbdən də A.Andryan Rusiyanın bu məsələdə heç bir rolunun olmadığını qeyd edib.

Separatçı qurumun təmsilçisi Rusiyanın Azərbaycana silah satması ilə bağlı da narahatlığını dilə gətirib və qeyd edib ki, bu silahların müdafiə deyil, hücum təyinatlı olması onları xüsusilə narahat edir.