Genetik infarkt və insultdan qorunmağın yollarından danışıb.

Publika.az xəbər verir ki, “İzvestiya” qəzetinə müsahibə verən genetik İrina Kolesnikova bildirib ki, test vasitəsilə insanın ürək-damar xəstəliklərinə meyilli olub-olmadığı müəyyənləşəcək:

"Bu tədqiqatın nəticəsi ilə xəstə müayinə planını tərtib etmək üçün endokrinoloq və ya kardioloq kimi ixtisaslaşmış mütəxəssislərdən kömək istəyə biləcək"

O qeyd edib ki, kompleks DNT tədqiqatları ürək xəstəliklərinin inkişafı ilə bağlı bir çox genetik variantları təhlil etməyə imkan verir. Bunlara infarkt, insult, hipertoniya və s. aiddir. Həkimin sözlərinə görə, ürək-damar xəstəliklərinin müalicəsində və profilaktikasında dərmanların effektivliyi ilə bağlı genetik analizlər də aparılır.

Kolesnikova deyib ki, istənilən yaşda belə bir test edə bilərsiniz və yalnız bir dəfə testdən keçmək kifayət edir. Çünki insanın genetik profili həyat boyu dəyişmir.

O, əlavə edib ki, xəstəliyin ağır nəticələri ilə mübarizə aparmaqdansa, profilaktik tədbirlər görmək daha yaxşıdır.