D vitamini ilə zəngin qidalar ürək beyin və damarları üçün çox faydalıdır.

Milli.Az medicina.az-a istinadən bildirir ki, Afina Universitetinin alimləri 2 qidanın infarkt və insulta qarşı təsirli olduğunu sübut edib.

Journal of Human Nutrition and Dietetics dərgisində son elmi tədqiqatda 4000 nəfər qadın və kişinin üzərində 2001-2012 ci illərdə apardıqları qeyd olunub.

Bu adamların 10 il ərzində aylıq qida rasionu və ürək-damarlarının vəziyyəti qeydə alınırdı.

Toplanmış məlumatların analizi göstərdi ki, bu insanlar arasında rasionunda D vitamini ilə zəngin qidalar, xüsusən yumurta, sarı pendir, balıq olanlarda ürək-damar, beyin problemləri ən aşağı səviyyədə olub.

Xüsusən bu qidaların effekti kişilərdə aydın görünüb. Bu qidaları az yeyən kişilərin 24%-i infarkt, 23%-i insult keçirib. Qadınlarda bu rəqəmlər bir qədər azdır.

Alimlər qeyd edib ki, D vitamini əlavəli BAD-ların, yəni sintetik vitaminlərin ürək-damar və beyinə belə təsiri hələ sübut olunmayıb. Ona görə məhz qidalardan bu vitamini almaq vacibdir.