Aparılmış yeni tədqiqatın nəticələrinə görə, SARS-CoV-2 simptomatik infeksiyası olan insanların 6,2 faizi üç simptom qrupundan azı biri olmaqla 2020-ci və 2021-ci illərdə uzunmüddətli COVID keçirib.

Bu simptomlar bədən ağrısı və ya hal-əhval dəyişikliyi ilə daimi yorğunluq, nəfəsalma ilə bağlı olan daimi problemlər və koqnitiv problemlərdir.

Amerikanın JAMA tibbi jurnalında dərc edilmiş tədqiqatda 4 - 66 yaş qrupuna aid insanlar iştirak ediblər.

Bütün dünyadan alınmış məlumatlara əsaslanaraq, tədqiqatçılar elə qənaətə gəliblər ki, uzun müddət davam edən COVID-19 xəstələrinin təxminən üçdə ikisi və ya 63,2 faizi qadınlardır.

Uzunmüddətli COVID-19 riskı ilkin SARS-CoV-2 infeksiyası səbəbindən xəstəxanaya yerləşdirmə tələb olunanlarda, xüsusilə də reanimasiya şöbəsinə ehtiyacı olan insanlarda daha yüksək idi.

Bu, 2020-ci və 2021-ci illərdə SARS-CoV-2 simptomatik infeksiyası olan və virusun kəskin mərhələsindən keçən 22 ölkədən 1,2 milyon nəfərin qlobal model araşdırılması məlumatlarıdır.

Tədqiqatçılar, həmçinin onların COVID-19-dan əvvəlki sağlamlıq vəziyyətini də nəzərə alıblar. Modelləşdirilmiş qiymətləndirmələrə əsasın uzunmüddətli COVID-19 simptomları SARS-CoV-2 simptomatik infeksiyadan üç ay sonra ən azı 20 yaşında olan kişilərlə (5,4 faiz) müqayisədə ən azı 20 yaşında olan qadınlarda (10,6 faiz) daha çox rast gəlinib.

Uşaqlar və yeniyetmələr özlərini daha yaxşı hiss edirdi: qiymətləndirmələrə görə, ən azı 20 yaşında olan kişi və qadınlar COVID-19 simptomatik infeksiyaya yoluxma hallarının 2,8 faizində uzunmüddətli COVID xəstəliyinə tutuldular. (AZƏRTAC)