Maska taxmaqla ətrafdakı insanları qorumuş oluruq.

Milli.Az Trend-ə istinadən xəbər verir ki, bunu Səhiyyə Nazirliyinin mütəxəssis-eksperti, infeksionist Təyyar Eyvazov deyib.

"Qapalı məkanlarda 75 faiz insanın maska taxması nisbətən qoruyuculuğun artması deməkdir. Bir nəfərin maska geyinməsi problemin həlli deyil. Maskadan düzgün istifadə olunmalıdır. Xüsusən də, maska üzə kip formada yapışmalıdır. Maskayla üz dərisi arasında boşluq olmamalıdır. Maska həm də yolxuculuğun dərəcəsini azaldır. Viruslar maskaya hopur və daha az virus qəbul etmiş oluruq. Yəni maskanın düzgün seçilməsi və istifadə olunması vacibdir", - ekspert vurğulayıb.