Ümumdünya Səhiyyə Təşkilatı (ÜST) son bir həftə ərzində koronavirusa yoluxmada rekord artım olduğunu bildirib.
Bu barədə TASS xəbər yayıb.
Belə ki, son bir həftə ərzində dünyada koronavirusa yoluxmuş insanların sayı 3 977 223-ə çatıb.
Buna baxmayaraq, ÜST Avropada yoluxma hallarının 10 faiz azaldığını bildirib. Son bir həftədə burada 1 840 085 yoluxma və 29 043 ölüm qeydə alınıb.
Şimali və Cənubi Amerikada isə bir həftədə yoluxanların sayı 1.45 milyondan çox artıb, 19 min insan da ölüb.
Cənub-Şərqi Asiya bölgəsində 373 mindən çox insan yoluxub, ölüm hadisələrinin sayı isə 4,5 mini keçib.
