Allerqoloq-immunoloq Vladimir Bolibok asimptomatik koronavirus infeksiyasına yoluxmağın insan üçün ən yaxşı seçim olduğuna inandığını bildirib.

Milli.Az xəbər verir ki, həkim bu barədə NSN-in efirində danışıb.

"İnfeksiyanın asimptomatik gedişi insan üçün təhlükəli deyil, heç bir ağrı hiss etmir, sağlamlıq vəziyyətində iltihab və anormallıq olmur", - Bolibok bildirib.

Bundan əlavə, həkim vurğulayıb ki, hər şey yalnız infeksiya ilə məhdudlaşdığından asimptomatik gedişə xəstəlik deyilə bilməz.

"Asimptomatik yoluxma yolu xəstəlik deyil, insan infeksiyaya yoluxur, bir müddət selikli qişada yaşayır, sonra immun sistemi reaksiya verir və bu virusa qarşı antikorlar inkişaf etdirir və burada yoluxucu proses başa çatır. Odur ki, xəstəliyi asimptomatik keçirmək ən yaxşısıdır", - Bolibok qeyd edib. (publika.az)