Rusiya Elmlər Akademiyası və Ratqers Universitetinin (ABŞ) Molekulyar Genetika İnstitutunun Laboratoriya müdiri, biologiya elmləri doktoru Konstantin Severinov COVID-19 koronavirus peyvəndinin sürətli istehsalının səbəb ola biləcəyi fəsadlardan danışıb.

Publika.az xəbər verir ki, alim “Komsomolskaya Pravda” radiosuna verdiyi müsahibədə təhlükəsiz peyvəndin yaradılması üçün vaxt tələb olunduğunu vurğulayıb:

“Peyvəndin payıza qədər hazır olması barədə danışırıqsa, əvvəlcə tam peyvəndin nə olduğunu müəyyənləşdirməliyik. İndi mediada peyvəndin artıq hazır olması barədə daimi xəbərlər var, lakin onlar insanları yanıltmaqdadırlar”.

Onun sözlərinə görə, hələlik yalnız klinik sınaqların ilk mərhələləri başa çatdırılıb.

“Peyvəndin inkişaf profesi geniş giriş və dar bir çıxış olan bir qıfdır. Artıq təsdiqlənmiş peyvəndlər bir sıra amillərə görə istehlakçıya çatmaya bilər: təsirsiz və təhlükəli olacaq, ya da onları istehsal etmək çətin olacaq.

Əvvəlcə laboratoriyada heyvanlar üzərində klinikaya qədərki müayinələr aparılır. Klinik sınaqlar deyilən hər şey insanlar üzərində aparılan sınaqlardır. Ancaq az sayda sağlam könüllülər iştirak edir. Bu, peyvəndin təhlükəsiz olduğunu göstərmək üçün edilir.

İkinci mərhələ peyvəndin böyük bir qrupa fəal şəkildə tətbiq olunduğu dövrdür. Bu vəziyyətdə, yaşlı insanların da olması ehtimalı var. Ancaq belə təcrübələr hələ başlanmayıb. Məsələn, Müdafiə Nazirliyi gənc əsgərlər üzərində sınadı.

Üçüncü mərhələ - on iki min adamın ikiqat nəzarət altında keçirilən çox geniş sınaqlardır. Həkimlər inyeksiya, peyvənd və ya plasebo etdiklərini bilmədikdə, nə də subyektlər onların nə tətbiq edildiyini bilmir. Və immun cavab inkişafına baxırlar. Peyvənd qeydiyyata alınmazdan əvvəl üçüncü mərhələsində artıq sertifikatlaşdırılmış meydança olmalıdır. Və yalnız üçüncü mərhələnin nəticələrinə əsasən peyvəndin özünün deyil, həm də onun istehsal üsulunun və yerinin təsdiqlənib təsdiqlənməyəcəyi müəyyən ediləcək” , - biologiya elmləri doktoru sonda qeyd edib.