Yaponiyada Erika adlı süni intellekt robotu yeni elmi fantastik filmdə baş rolu oynayacaq.

Milli.Az ölkə.az-a istinadən bildirir ki, bu, kino tarixində ilk belə hadisədir.

Qeyd olunur ki, filmdə mükəmməl DNT molekulunu yaratmağa çalışan bir alimdən bəhs edilir. Bir anda etdiyi işdən daha çox pisliyin gələcəyini başa düşən alim, Erikanın qaçmasına kömək edir.
"Öz həyat təcrübələrini ifalarında göstərən həqiqi aktyorlardan fərqli olaraq, Erikanın hər bir hərəkəti sıfırdan yaradıldı. Onu bir xarakter olaraq inkişaf etdirmək üçün hərəkətlərini və duyğularını təkbətək seanslarla modelləşdirməli olduq",- deyə layihə rəhbəri Sam Jose deyib.

Filmin rejissoru hələ seçilməyib, film çəkilişləri 2021-ci ildə Avropada başlayacaq. Ekran işinin ilkin büdcəsi 70 milyon dollar olacaq.