Xarici KİV-ləri xəbər verir ki, Amerika alimləri insanlarda depressiyanı aşkar edən xüsusi SimSensei proqramı hazırlayıblar.

Proqram insanın nitqini analiz edir və bunun əsasında diaqnoz qoyur.

Psixiki pozulmalar tək insanın davranışına deyil, nitqinə də təsir edir. Depressiyada olan xəstələrin nitqi daha asta və monoton olur, sözlərin arasında fasilələr uzanır, nitqdə emosiyalar azalır. Proqram məhz bu dəyişiklikləri aşkar edir.

Əvvəl süni intellekt insanla "söhbət edir" və bu söhbəti yazır. Daha sonra insanın nitqi sağlam insanın nitqi ilə müqayisə edilir. Bunun əsasında SimSensei insana diaqnoz qoyur.

Alimlər bildirir ki, SimSensei smartfona yükləmək mümkün olacaq. Bu insana öz vəziyyətinə nəzarət etməyə imkan verəcək.