Vaşınqton Universiteti (ABŞ) alimləri yol qırağında yaşayan 6 min insanı müayinə etdikdən sonra belə qərara gəliblər ki, onlarda ürək-damar sistemi xəstəliklərinin riski daha yüksək olur.

Avtomobillərin havaya buraxdığı ziyanlı qaz orqanizmdə "yaxşı" xolesterinin səviyyəsini aşağı salır ki, bu da "pis" xolesterinin səviyyəsinin qalxmasına səbəb olur. Orqanimdə "pis" xolesterinin artması aterosklerozun və nəticədə ürək-damar sistemi xəstəliklərinin riskini artırır.

Sciencedaily.com xəbər verir ki, alimlərin müşahidələrinə görə, iri magistral yolların qırağında artıq 3 ay yaşayandan sonra insanlarda "yaxşı" xolesterinin səviyyəsində dəyişikliklər baş verir.

Beləliklə, alimlər iri magistral yolların yanında yaşamağı tövsiyə etmirlər ki, bu ürək-damar sistemi xəstəliklərinin və vaxtından tez ölümün riskini artırır.