Bir çox insan ayaqlarından gələn pis iyə görə narahat olur.

Xüsusən də yay aylarında ayağın tərləməsi, keyfiyyətsiz ayaqqabı və corablar səbəbindən ayaqdan gələn pis qoxu daha da artır.

Olke.az bu problemin həlli yollarını oxucuları ilə bölüşür.

Karbonat (soda)

Ən yaxşı üsullardan biridir. Bir vanna ilıq suya 2 çay qaşığı karbonat əlavə edin. Ayaqlarınızı 20 dəqiqə bu suda saxlayın. Bir həftə davam edin. Qoxu azalacaq və zamanla yoxa çıxacaq.

Lavanda yağı

Gözəl iyi olan bu yağdan 1 xörək qaşığı 1 litr suya əlavə edin. Bir həftə ərzində hər gün ayağınızı bu suya qoyub gözləyin. Gündə iki dəfə etsəniz, daha effektiv nəticə əldə edə bilərsiniz.

Qara çay

Qara çay ayaq tərləməsinin qarşısını alır, qoxunu azaldır. Qara çayı dəmlədikdən sonra su ilə dolu vannaya boşaldın. 20 dəqiqə ayaqlarınızı bu suda saxlayın. 10 gün təkrarlayın.

Sirkə

Sirkə ayaqdakı tər vəzilərinin işini yavaşladır və qoxunun qarşısını alır. 2 stəkan sirkəni bir litr suya əlavə edin. Ayaqlarınızı 10-15 dəqiqə bu suda saxlayın. Sonra isə ayaqlarını sabunla yuyun.

Şalfey (adaçayı)

Hər dərdin dərmanıdır və ayaq qoxusunun da qarşısını alır. 1 stəkan isti suda 1 x.q. ot dəmləyin, vannaya əlavə edin. 10 gün təkrarlayın.

Bu vasitələrdən əlavə müxtəlif üsullardan da istifadə edin. Məsələn, hər gün eyni ayaqqabınıgeyinməyin. Ayaqqabı havalanmalıdır və hər gün eyni ayaqqabı geyinmək qoxunu qaçınılmaz edir. Corabınızın içinə bir az uşaq pudrası tökün və ayaqlarınızın çox tərləməsinin qarşısını alın.

İki gün eyni corabı geyinməyin. Hər gün dəyişdirin. Pambıq corablara üstünlük verin. Ayaqqabını geyinməyəndə içinə bir neçə ədəd mixək atın.