Payız xurması mədədə fitobezoar adlı daşlaşma əmələ gətirir, bu zaman hətta əməliyyat tələb oluna bilər.

“Medicina” xəbər verir ki, qastroenteroloq Yevgeniya Melnikova tərkibində tanin olan xurma və digər meyvələrin insanı hətta öldürə biləcəyini açıqlayıb.

“Fitebezoar lifli daşa bənzəyir, mədəfə çox sayda tanin tərkibli meyvə və giləmeyvələrin yeyilməsi səbəbindən yığılır.

Tanin tərkibli lider meyvə xurmadır. Yetişmiş xurma lifləri mədədə çox qalır, gec həzm olunur və topalanıb düyünlənir.

Nadir halda əncir, gavalı, ərəb xurması və armuddan da fitobezoarlar yaranır.

Bu meyvələrin mədədə toparlanınb yumaqlaşmasına səbəb olan bir sıra faktorlar var:

- Mədənin özünün xəstəlikləri – qastrit, turşuğulun az olması, yırtıq, qastroparez
- Mədədə öncədən əməliyyat
- Mədə-bağırsağı motor hərəki funksiyasının zəif olması
- Öd problemləri

Fitobezoar epiqastral nahiyədə küt ağrı, ürəkbulanma, tıxanma hissi verir.

Xəstə artıq yeyə bilməyəndə qastroskopiya ilə mədə yoxlanır, fitobezoar endoskopik yolla çıxarılır.
Əgər vaxtında həkimə müraciət olunmasa, mədə qanaxması, peritonit, bağırsaq keçməməzliyi baş verib, xəstəni öldürə bilər.

Aygün Musayeva