Rusiyanın qızıl valyuta ehtiyatları 11,6 milyard dollar azalaraq 584,2 milyard dollar olub.

Publika.az xəbər verir ki, bu barədə məlumatı Milli Mərkəzi Bankların may ayı məlumatlarını təhlil edən RİA Novosti yayıb. Bu itki nəticəsində Rusiya ən böyük beynəlxalq aktivlərə malik iqtisadiyyatlar arasında 4-cü pilləni Hindistana verib.

Çin çoxillik liderlik mövqeyini qoruyub saxlayıb. Bu ilin may ayının sonunda onun aktivləri 3,371 trilyon dollar təşkil edib. İkinci yeri 1,254 trilyon dollar ehtiyatla Yaponiya tutub. İlk üçlüyü 886 milyard dollar aktivlə İsveçrə tamamlayır.

Həmçinin ilk onluqda Səudiyyə Ərəbistanı (442,2 milyard dollar), Honkonq (421 milyard dollar), Cənubi Koreya (420,98 milyard dollar) və Braziliya (343,5 milyard dollar) yer alıb. Sinqapur may ayında ən böyük beynəlxalq ehtiyatların ilk onluğunu (325,7 milyard dollar) daxil olaraq, Almaniyanı 11-ci yerə salıb.

ABŞ 12-ci yerdə qalıb. Sonrakı pillələrdə İtaliya, Fransa və Tailanddır. G20 ölkələri arasında Kanada 22-ci, Türkiyə 26-cı, Avstraliya 34-cü, Argentina 49-cu yerdədir.