Ölümün adı gələndə belə insanlar qorxuya düşür. Sevdiklərimizi qoyub getmək, görmək istədiyimiz işlərimizi tamamlaya bilməmək, ya da məchul ünvana doğru səyahət etmək bir qədər qorxunc gəlir. Ölüm hər bir fərd üçün xüsusi, bənzərsiz və şəxsi bir səfərdir. Biri ölümə doğru yaxınlaşar və bununla da məlum olan bir dünyadan məlum olmayan bir dünyaya doğru səfəri başlayar.
Bəs, görəsən ölüm nədir və insanlar ölüm qabağı nə hiss edir?

Məsələ ilə bağlı Referans.az-a danışan ilahiyyatçı Hacı Təyyar Hüseynli bildirib ki, ölüm haqqında bir çox fikirlər səsləndirilir, lakin ölümdən əvvəl insanlar bunu hiss edə bilir:

“Ümumiyyətlə, ölüm haqqında əksər fikirlər mövcuddur. Bəzən elə olur ki, bir çoxları, bəlkə də, bunu görüb, ölüm ayağında olan insanlar başa düşülməyən bir səs tonu ilə nəysə danışırlar. Gözlənilməz və ya aidiyyatı olmayan bir cümlə işlədirlər. Bundan elavə elə belə bir deyim var ki, çox zaman bunu ölüm ayağında olan şəxsə deyirlər ki, elə bil ürəyinə dammışdı. Ölüm qabağı insanın düşüncəsində sonluq deyə bir təssürrat yaranır. Hətta yaşlı insanlar, ağır xəstələr vəsiyyət dediyimiz son cümlələr var, məhz o cümlələrdə son spzlərini bildirirlər. Bunu əksər insanlarda görə bilərik, hətta uşaqlarda belə olub ki, ölümdən əvvəl qərbi bir şeylər danışır. Axirətlə bağlı nəysə deyir”.

İlahiyyatçı qeyd edib ki, ölüm qabağı insanın doğulduğu gündən həmin öləcəyi ana qədər bütün yaşadığlarının gözünün önündən keçdiyi də bildirilir: “Bəzi araşdırmalara görə, ölümdən əvvəl insanın doğulduğu gündən həmin günə qədər olan bütün yaşadığları xronoloji ardıcıllıq kimi gözünün önündən keçir. Yəni sanki birinin əlli illik ömrü 5 saniyəlik bir müddətdə gözünün önündən keçir. Eyni zamanda ölümdən bir neçə dəqiqə əvvəl artıq insan heçbir şey xatırlaya bilmir”.

Aqil Qarayev