İitlər, ov edərkən insult keçirən sahiblərini soyuq havada isidərək, onu ölümdən xilas ediblər.

Publika.az xəbər verir ki, bu barədə Rostov vilayətinin fövqəladə halların qarşısının alınması və aradan qaldırılması departamenti bildirib. “İki ov iti sahibinin soyuqda sağ qalmasına kömək edib. Onlar insult keçirən şəxsi tərk etməyiblər, onu hərarətləri ilə isidiblər", - deyə qeyd edilib.

İdarədən verilən məlumata görə, kişi ertəsi gün tapılıb. Heyvanlar polis əməkdaşlarının ovçuya yaxınlaşmasına imkan vermək istəməyiblər və yalnız onun həyat yoldaşının gəlməsindən sonra sakitləşiblər. Daha sonra kişi həkimlər tərəfindən müayinə olunub. O, xəstəxanaya aparılıb və hazırda müalicə olunur.