Yeni araşdırmalara görə, 4 gün yağlı və şəkərli qida qəbul etmək yaddaşa, diqqətə və psixi sağlamlığa zərər verə bilər.

Teleqraf.com xəbər verir ki, Amerika Nevroloji Akademiyası tərəfindən aparılan araşdırmada 4 gün boyunca iştirakçılara səhər yeməyində yüksək yağlı və şəkərli qidalar verilib. Araşdırma zamanı bu proqramın onların yaddaşını pozduğu ortaya çıxıb.

Oksford Universitetində aparılan digər bir araşdırmada da eyni vəziyyət müşahidə olunub.

Həddindən artıq çəki bütün bədənə mənfi təsir edir. Ürək tutmaları və şəkər kimi xəstəliklər bu insanlarda daha çox müşahidə olunur.

Ancaq mütəxəssislərin fikrincə, bu araşdırma arıq adamların rahat nəfəs ala biləcəyi anlamına da gəlmir. Sağlam görünüş sağlam bədənə sahib olmaq demək deyil.

Arıq adamlar belə, sağlam qidalanmır, idman eləmirsə, xərçəng, ürək tutması və şəkər xəstəliyi riski altında olur.