Naftalan neftinin iltihaba qarşı təsiri, desensibilizasiya təsiri, antihistamin təsiri və analgetik təsiri dəri və dərialtı hüceyrə qatının bir sıra xəstəlikləri zamanı tətbiq edilən müalicələrdə müəyyən olunmuşdur. Psoriaz, ekzema, dermatit və digər dəri xəstəliklərinin naftalan nefti ilə müalicəsi günümüzdə bu xəstəliklərə qarşı aparılan ən effektiv müalicə üsullarından biri sayılır.
- Tonzilit
- Faringit
- Laringit kimi qulaq, burun, boğaz xəstəliklərinin müalicəsində işlədilir.
Naftalan nefti dünyada müalicəvi xassəli yeganə neft yatağıdır və özü də çox qədimdən məlumdur. Dəri xəstəliklərinin müalicəsində istifadə məqsədilə Naftalanda qazılmış quyudan yağ hasil edilməsi barədə hələ İtaliyalı səyyah Marko Polo söhbət açmışdır. XIX əsrin sonlarında alman mühəndisi A.İ.Yeger Naftalanda icarəyə götürdüyü torpaq sahəsində bir neçə quyu qazır və pullu naftalan müalicəxanasını inşa edir. Tarixdən məlumdur ki, 1904-1905-ci illər Rus-Yapon müharibəsi zamanı Yaponiya əsgərlərinin təcili tibbi yardım dərman qutularından naftalan mazı doldurulmuş bankalar tapılmışdır, bu da onun yüksək müalicəvi xassəyə malik olmasından xəbər verir.
Müəllif: Firəngiz Rüstəmova
"FOLK VƏ YA XALQ TƏBABƏTİ" kitabından