Müasir təbabətdə cökə çiçəklərinin dəmləməsi və cövhəri soyuqdəymələrdə tərlədici, qızdırmasalıcı, ağızı və boğazı qar-qara etmək üçün, bəzən də qastritlər zamanı daxilə qəbul etmək üçün işlədilir.
Xalq təbabətində də cökə çiçəkləri geniş şəkildə istifadə edilir. Əsasən baş ağrıları, angina, pnevmoniya, bronxial astma, revmatizm, parotit, böyrəkdaşı xəstəliyi, nefrit, qanaxmalarda, sonsuzluq, nevroz, qıcolmalar və epilepsiyalarda, təzə yarpaqları dəri yaralarında, mastitlərdə, qətranı isə furunkul, abses, osteomielitlərin müalicəsində işlədilir.
Menstrual tsiklin pozulmaları zamanı cökə çiçəklərinin çayı əvəzedilməzdir. Xırdalanmış 1x/q cökə çiçəyi üzərinə 1 stəkan qaynar su əlavə edib yarım saat dəmləmək, isti halda, gündə 2 dəfə yarım stəkan içmək lazımdır.
Klimaks zamanı isə cökə çiçəkləri çox xeyirlidir. Çünki onun tərkibində fitoestrogenlər var və onlar qadın hormonlarına tərkibcə çox yaxındır. 45 yaşdan yuxarı olan qadınlar 6 aydan bir, bir ay olmaqla səhərlər 1 stəkan çökə çayı içsələr onlarda klimaks mülayim, ağrısız keçəcək, qanaxmalar olmayacaq.
Prostatit. Yanmış cökə ağacının bir parçasını götürüb toz halına salmaq lazımdır. 7 gün ərzində (hər ay 7 gün müalicə olunana qədər içilir) bu toz ilə kofe şəklində içki hazırlayıb sə-hərlər içmək lazımdır. Bəzən cökə çayları görməyə mənfi təsir edir. Ona görə də fasiləsiz içmək olmaz!
Yuxarıda göstərilənlərdən əlavə cökə çiçəkləri- spazmoli-tik, stress əleyhinə, qurd qovucu, bağırsaq kolikasının arğısını alıcı, yuxugətirici, öskürəkkəsici, sidikqovucu, immunsistem gücləndirici, konyuktivitdə, saçları yuduqda onları təravətləndirici, arıqlamağa yardımedici xüsusiyyətlərə də malikdir.
Göbələk infeksiyalarına qarşı da faydalıdır. İstifadə qay-dası - qurudulmuş çiçək və yarpaq qarışımından 1 ç/q alıb, üzərinə 1 stəkan qaynar su əlavə etmək və 10 dəq. dəmləmək, gündə 3 dəfə bir stəkan içmək lazımdır.
Gözəllik üçün - 2-3 ç/q qurudulmuş çiçək və yarpaq qarışımından götürüb, üzərinə 1 stəkan qaynar su əlavə edib qatılaşana qədər qaynatmaq və ilıq halda üzə (dərinin ləkəli, qırışıq olan hissələri daxil) çəkmək lazımdır. Tövsiyə - əgər fasiləsiz qəbul edilərsə daxili orqanlara və beyinə zərər verə bilər.
Cökə çiçəkləri tərkibli hazır dərman forması:
- Cökə çiçəkləri (Tiliae flores)
Bitki tərkibli tərlədici vasitədir.
Göstəriş - respirator virus infeksiyalarında simptomatik təsir edir.
Əks göstəriş - bitkiyə qarşı həssaslıq və pollinoz. Uşaqlardan ehtiyatlı olmaq lazımdır.
Hamilə və süd verən qadınlarda - həkimlə mələhətləşmədən özbaşına qəbul etmək olmaz.
Cökə çiçəkləri aşağıdakı müalicəvi bitki yığımlarının tərkibinə də daxildir:
-Zəncəfil çayı
-Sidik turşusunun artması zamanı - Evalar BİO çayı
-Soyuqdəymə zamanı - Evalar BİO çayı.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından