Akasiya balı Azərbaycan mətbəxində və xalq təbabəti üsulları ilə müalicə vasitəsi kimi geniş şəkildə istifadə edilir.
Antioksidant, yarasağaldıcı, antibakterial təsirlərə malik olan bu şəfalı bitkidən alınan balın tərkibində az miqdar hidrogen peroksid də vardır.
Akasiyanın şəfaverici xüsusiyyətləri. Ağ Akasiya- xalq təbabətində qrip, mədə-bağırsaq ağrılarında, mədə qanaxmalarında, pielonefritdə, hipertoniya və digər xəstəliklər zamanı is-tifadə edilir.
Tromboflebit - Ağ Akasiya çiçəklərini və ya yarpaqlarını bir həftə 1:2 nisbətində olmaqla araqda cövhərini hazırlamaq, sonra isə xəstə venaları silmək lazımdır.
Artrit, artroz və osteoxondroz. Həmin qayda olaraq araqda hazırlanan cövhərdən xəstə oynaqlara sürtmək, kompress etmək lazımdır.
Nevralgiya, miozit. Yenə həmin cövhərdən sürtmək və kompesslər qoymaq.
Sistit. 11 ç/q quru Akasiya çiçəyi üzərinə 1 stəkan qaynar su əlavə edib 30 dəq. dəmləmək sonra isə gün ərzində 1x/q 3 dəfə olmaqla qəbul etmək məsləhətdir.
Qastrit (turşuluğun artması ilə müşayiət olunan qastrit). 1,5 ş/q Akasiya qabığının üzərinə 2 stəkan qaynar su əlavə edib 2 saat dəmləmək və sonra bu dəmləmədən 1x/q gündə 3 dəfə olmaqla qəbul etmək. Dozanı artırmaq məsləhət deyil, çünki zəhərlidir. Məhz qabığında toksalbuminrobin var ki, selikli qişaları qıcıqlandırır. Turşuluğu az olan qastritlərdə isə ümumiyyətlə qəbulu məsləhət deyil.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından