Öd daşları qaraciyərin altında yerləşən kiçik bir orqan olan öd kisəsinin içərisində əmələ gələn sərt, çınqıl kimi çöküntülərdir.

Öd ifraz etməkdən başqa, qaraciyər bağırsaqlardan qana daxil olmuş şəkərlərin artığını qlikogen halında özündə saxlayır. Eyni zamanda bədənə düşən toksinləri neytrallaşdıraraq mühafizə funksiyası daşıyır. Öd kisəsi armud şəklində olub, qaraciyərin sağ payının alt səthində yerləşir.

Öd daşı xəstəliyi nəinki Azərbaycanda, dünyada geniş yayılan bir patologiyadır. Hətta rəsmi məlumatlara görə, Amerika Birləşmiş Ştatlarında il ərzində 500 min insan öd daşı xəstəliyindən şikayətlənir. Eyni zamanda bu xəstəlik ildə 10 min insanın həyatını itirməsinə səbəb olur.

Öd daşlarını əritmək üçün xalq təbabətində bəzi üsullar var. Məsələn 1 ay boyunca gündə 3 dəfə yeməkdən əvvəl 1 çay qaşığı rafinə olunmamış zeytun yağı içilmək, həmin müddətdə 10-15 ədəd iydə yemək, həmçinin gündə 1 dəfə 1 ədəd ağ turp yemək öd daşlarının əriməsinə səbəb ola bilər.

Əgər öd daşlarının ölçüləri 3 millimetrdən böyük deyilsə, qatırquyruğu dəmləməsi də içilə bilər. 2 xörək qaşığı qatırquyruğu bitkisi 3 stəkan suda 10 dəqiqə dəmlənib termosa tökülür, gündə 3 dəfə yeməkdən əvvəl 1 stəkan içilməlidir.

Ud hindi də öd daşlarını əritmək üçün mükəmməl bir vasitədir. Əgər öd daşlarınız UZİ-də kölgə verən daşlar deyilsə, gündə 3 dəfə yeməkdən 1 saat əvvəl 1 çay qaşığı ud hindi tozu qəbul edilməli, dərhal üstündən 1 stəkan su içilməlidir. Müalicə 2 ay müddətinə davam edilməlidir.

Sevinc Hüseynova