Klassik melissa dəmləməsinin hazırlanması – 1 x/q xırdalanmış və qurudulmuş melissa yarpaqlarına bir stəkan qaynar su əlavə edib su hamamında 10 dəqiqə saxlamaq. Sonra isə alınmış dəmləməni süzmək lazımdır. Gündə 3 dəfə yeməkdən əvvəl 1 x/q həzm orqanlarının spazmında içmək lazımdır.
Astma, taxikardiya, ÜİX, qanazlığında - emallı qaba 1 litr su əlavə edib içərisinə 2 x/q xırdalanmış və qurudulmuş melissa qatıb 15 dəqiqə qaynatmaq, 30 dəq isə dəmdə saxlamaq lazımdır. Süzdükdən sonra 1 stəkan gündə 4 dəfə qəbul etmək olar.
Melissa hazır dərman preparatlarının tərkibinə daxildir və onun spirtdə cövhərindən, çayından, siropundan yuxusuzluqda, nevrozlarda istifadə edilir.
Əksgöstərişləri - melissaya qarşı individual həssaslıq, allergiya, epilepsiya, hipotoniya, qaraciyər çatmamazlığı, kəskinləşmiş mədə xorası xəstəliyi, MSS ciddi patologiyaları, hamiləlik. Sürücülər də qəbul etməməlidir, çünki yüngül yuxu gətirici təsiri vardır.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından