Çaytikanı latın d. Hippophae- iydəkimilər fəsiləsinə aid olan kol və ya ağac bitki cinsidir.
Çaytikanı yağı. Yanıqların sağalması aktual problem olmaqda qalmaqdadır. Kimya elminin inkişafında olan müvəffəqiyyətlər sayəsində sintetik tərkibli dərmanlar yaradılmasına baxmayaraq, təbii mənşəli maddələr müasir tibbin tələblərinə hərtərəfli cavab verir.
Bu qəbildən olan təbii birləşmələrdən biri də farmakopeya çaytikanı yağıdır. Çaytikanı yağının əsas göstərişləri yanıqlar, trafik xoralar, dərinin və selikli qişaların şüa zədələnmələridir. Terapevtik effekt isə bu yağın iltihabəleyhinə, yarasağaldıcı təsirləri ilə bağlıdır ki, bu isə öz növbəsində müxtəlif dərəcəli yanıqlarda patoloji dəyişikliyin müalicəsinə imkan verir. Zədələnmiş toxumaların bərpasını Çaytikanı yağındakı proliferasiya və epitelizasiyaedici aktiv maddələr təmin edir.
2010-cu ildə Harvard universitetinin tədqiqatçı alimləriçaytikanı yağının tərkibində çox nadir rast gəlinən omeqa-7 və palmitolein turşusu olmasını araşdırıblar.
Çaytikanı yağı iltihabəleyhinə, ağrıkəsici, antibakterial, alkoqol intoksikasiyasından sonra qaraciyər toxumasının bər-pasını stimuləedici vasitə olaraq təyin edilir. Qaraciyərdə zülalların miqdarını artırır, piy mübadiləsini requlə edir, ate-rosklerozun inkişafının qarşısını alır. Ağrıkəsici və yarasağal-dıcı təsiri var. Vitamin çatışmamazlığı ilə müşayiət edilən dəri xəstəliklərində çox effektivdir. Ekzema, uşaqlıq boynunun eroziyası, kolpitdə yerli müalicə ilə yanaşı daxilə də qəbul edi-lir. Yanıqların, yataq yaralarının, mədə-bağırsaq traktının xoralarında, qastrit, duodenit, damağın iltihabında, haymorit, saç tökülmələrdə, keçəllikdə, dəriyə və dırnaqlara qulluqda və tonzillitin müalicəsində, çaytikanı yağının tərkibi karotinoid-lərlə zəngin olduğuna görə kosmetologiyada da çox geniş is-tifadə edilir.