Anal çatlar uzun sürən qəbizlikdən sonra, hamiləlikdən sonra, babasildən sonra əmələ gələ bilər və müalicə olunmadıqda illərlə çəkə bilər və hətta daha da ağırlaşa bilər.

Bugün anal çatlar əsasən cərrahi üsulla müalicə olunur, demək olar ki dərmanlarla müalicə alınmır. Cərrahi müalicənin ağırlığını nəzərə alanda bitki müalicəsinin daha da əlverişli olması nəzərə alınmalıdır.

1. Birinci növbədə qəbizliyin qarşısı alınmalıdır. Bunun üçün Qafqaz kefiri əvəzolunmaz bir nemətdir, çünki çat zamanı bəzən bağırsaq mikroflorasıda pozula bilir, kefir pozulmuş mikroflora üçün əvəzolunmazdır. Gündə 3 dəfə yeməkdən əvvəl 1 stəkan Qafqaz kefiri içilir və hər stəkana 1 çay qaşığı üyüdülmüş zəyərək qarışdırılır. Zəyərəyin tərkibindəki selik bağırsaq divarını daha da sürüşkən edir və çatın genişlənməsinin qarşısını alır.

2. 100 qram keçi piyi, 100 qram arı mumu, 1çay qaşığı İran xınası, 20 qram propolis,1 çay qaşığı palıd qabığı tozu. Piy və mum əridilir, sonra propolis əlavə olunur, sonra bitki tozları çox narın vəziyyətdə əlavə olunur, yaxşı-yaxşı qarışdırılır, od üzərindən götürülür, 2 qat marlidən süzülür, sonra şam formasına salınır və soyuducuya qoyulur. Hər gün axşamlar 1 ədəd şam düz bağırsağa yeridilir.

3. 100 qram zeytun yağı, 1 çay qaşığı xına, 1 çay qaşığı palıd qabığı tozu, 10 qram propolis. Zeytun yağı qızdırılır, propolis əlavə olunur, yağda əridilir, sonra xına və palıd qabığı tozu əlavə olunur, oddan götürülür. Bu yağ 10 gün şüşə qaba tökülüb günəş altında saxlanılır və bu yağı gündə 3 dəfə anal dəliyin kənarlarına vurmaq lazımdır.

Fizulihuseynov.com