PKK terror təşkilatı İraqın Zap bölgəsindən çəkilib.

Globalinfo.az xəbər verir ki, bu barədə təşkilat məlumat yayıb.

“16 noyabrdan etibarən Zap bölgəsində toqquşma riski daşıyan qüvvələr fərqli ərazilərə çəkilib. Bu yeni addımımızın kürd probleminin həllinə və Türkiyənin sülh ilə demokratikləşməsinə xidmət edəcəyinə inanırıq”, – məlumatda yazılıb.

Qeyd edək ki, oktyabr ayında PKK terror təşkilatı Türkiyədən bütün silahlı qüvvələrini geri çəkəcəyini bəyan edib.

Xatırladaq ki, türk ordusu İraqın şimalında, Türkiyə ilə sərhəddə yerləşən Zap bölgəsində mütəmadi olaraq PKK-ya qarşı əməliyyat keçirib. Türkiyə Silahlı Qüvvələri burada dəfələrlə uğur qazanmasına baxmayaraq, şəhidlər də verib.