Qidanın müalicəvi təsirindən yararlanmaq!

Müasir qabaqcıl həkimlər inanırlar ki, müəyyən xəstəlikləri müalicə etmək üçün dəva-dərmandan çox insanın qidasına düzəlişlər edilməsi daha düzgün və hərtərəfli yanaşmadır. Düzgün seçilən qida xəstəliyi zəiflətmək, immuniteti gücləndirmək və həkim tərəfindən tövsiyyə olunan dərmanın təsir gücünü artırmağa əsas yarada bilər. Məhz bu səbəbdən son illər tibbin Nutrisiologiya sahəsi geniş tətbiq olunmaqda və inkişaf etməkdədir. Müxtəlif xəstəliklərin müalicəsi ilə yanaşı insanın qida və həyat vərdişləri ətraflı şəkildə nəzərdən keçirilir və düzəlişlər verilir. Mütəxəssislər qeyd edir ki, müəyyən simptomlar və narahatlıqlar qidanın düzgün seçilməsindən sonra yavaş-yavaş keçib gedə bilər. Qısaca olaraq, qidanın müalicəvi gücündən faydalanmağa dəyər.

Ailehekimiklinikasi.az vib.az-a istinadən xəbər verir ki, “Superfoods for Healthy Kids” kitabının müəllifi qida üzrə mütəxəssis Lucy Burney uşaqlar arasında ən çox yayılan bir sıra xəstəliklər zamanı qidaya aşağıdakı düzəliş etməyi təklif edir.

Boğaz ağrıları zamanı: ərik, arpa, qarağat, brokkoli, qəhvəyi düyü, kök, toyuq, sarımsaq, limon, kahı, soğan, portağal, qırmızı bibər, balqabaq, hindtoyuğu, vəzəri.

Öskürək zamanı: ərik, brokkoli, qəhvəyi düyü, kələm, kök, darçın, razyana, sarımsaq, zəncəfil, bal, turp, soğan, limon, portağal, cəfəri, balqabaq.

Angina zamanı:ərik, avokado, banan, arpa, cücərmiş lobya, çuğundur, qarağat, brokkoli, qəhvəyi düyü, balqabaq, kök, sarımsaq, kivi, kahı, portağal, cəfəri, balqabaq tumu, göbələk, günəbaxan tumu, pomidor.

Xüsusən ilin sərin və soyuq aylarında ailəni bütünlükdə müxtəlif virus və bakterial xəstəliklərdən qorumaq və immun sistemini gücləndirmək üçün ailənin qida rasionuna diqqəti daha da artırmaq yerinə düşərdi. İmmuniteti artıran qida əlavələrinə və təbii vasitələrə müraciət edərkən, fərdi dözümsüzlük və allergik reaksiyalar nəzərə alınmalı və həmişə kiçik dozalardan başlanılmalıdır. İmmun sistemini gücləndirməkdə özünü doğrultmuş növbəti ərzaqlar və qida əlavələrindən istifadə düzgün həyata keçirilməlidir.

Soğankimilər: göy və baş sarımsaq, göy və baş soğan.
Yaşıl yarpaqlı tərəvəzlər: göyərtilər, xüsusən vəzəri, ispanaq, nanə, cəfəri və kahı.
Bal və arıçılıq məhsulları.
Brokkoli , gülkələm, qırmızı və ağ kələm.
Greypfrut toxumu cövhəri.
Giləmeyvələr.
Çörəkotu yağı
Sitrus meyvələr.
Exinaseya
Tum və toxumlar: badam, balqabaq tumu, küncüt toxumu, cücərmiş toxumlar, günəbaxan tumu, qoz.
Zeytun yarpağı
Dənlilər: arpa, qarabaşaq, qəhvəyi və ya yerli düyü növləri, qarğıdalı, yulaf (uzun bişirmə müddəti olan üstünlük verilməli).
Probiotiklər: malakan sayağı kələm tutması, kefir
Ədviyyatlar: mixək, keçniş toxumu, darçın, ətotu, sarıkök.
Zəncəfil
Bəhməzin növləri: üzüm, xurma, keçibuynuzu, tut və s.
Yuxarıda sadalanan vasitələrdən dərman deyil, lakin istifadəsi zamanı həkimlə məsləhətləşmək tövsiyə olunur.