Əllərinizdə baş verən dəyişikliklər sizin sağlamlığınız haqqında çox şey deyir.

“Qafqazinfo” xəbər verir ki, əgər yaxşı müşahidəçisinizsə, əllərinizdəki qıcolma, keyimə və qaşıntılara görə şəkər, təzyiq, vitamin əskikliyi və bir çox xəstəliklərinizi biləcəksiniz.

Bədəndə “E”, “B1”, “B6” və “B12” vitamini əskik olarsa, sol əl və ya sol ayaqda qıcıqlanmalar ola bilər.

Onurğa sütununda hər hansı bir problem varsa, bu, özünü sol əlin kiçik barmağında biruzə verəcək. Həmin nahiyədə keyimə hiss edirsinizsə, deməli, sinirləriniz zərər görüb.

Sağ əlin barmaq uclarında baş verən keyimə əlinizi və ya çiyin əzələlərinizi gücə çox salmağınızdan xəbər verir. Keyimə sağ əlinizdə tam müşahidə olunursa, artıq bu, ürək-damar sisteminizdə problemlərin olmasını göstərir.

Siqaret çəkən insanlarda nikotin qan dövranına mənfi təsir göstərir. Bu da əvvəlcə barmaqlarda, daha sonra qollarda keyiməyə səbəb olur.

Şəkərin ilk əlamətlərindən biri ayaqlardan başlayıb qollara doğru qalxan qıcıqlanmalardır. Bunun əsas səbəbi sinirlərə zərər dəydiyi üçün qan dövranının zəifləməsidir.

Günel Hacı