Dırnaqların rəngi insanın sağlamlığının göstəricilərindən biridir. Sağlam insanın dırnaqlarının rəngi ovucun rənginə yaxın olmalıdır.

Bəzən insan fikir verə bilər ki, dırnaqların rəngi dəyişilib - ağarıb, saralıb, göyümtül olub. Bu normal deyil və bunun səbəbini mütləq araşdırmaq lazımdır.

Dırnaqların göyümtül olması çox ciddi simptomdur. Bu qan dövranının pozulmasına, ürək çatışmazlığına işarə edə bilər. Bu səbəbdən özünüzdə bu simptomu müşahidə edirsinizsə vaxt itirmədən həkimə müraciət edin.

Ürək çatışmazlığı çox ağır pozulmadır ki, vaxtında müalicə olunmadıqda xəstənin ölümünə səbəb ola bilər. Ürək çatışmazlığı yavaş-yavaş inkişaf edə bilər. Bu halda xəstə onda olan pozulmalara fikir vermir və ya digər səbəblərlə izah edir - yorğunluq, stress və s. Xəstəlik isə inkişaf etməyə davam edir və ağır fəsadlara gətirib çıxardır.

Ürək çatışmazlığının ilk simptomları arasında:

- təngənəfəslik (əvvəl fiziki iş zamanı, daha sonra hətta sakit vəziyyətdə müşahidə olunur)

- tez yorulma, zəiflik

- ayaqlarda ödemlər (axşam ayaqlar şişir, səhər şişkinlik yox olur)

- əl və ayaq barmaqlarının uclarının, dodaqların göyərməsi