Stress nə qədər çox, konsentrasiyaya isə ehtiyac nə qədər yüksək olarsa, işçi bir o qədər uzun müddət istirahət etməlidir, buna görə də iş saatlarının sayı birbaşa fəaliyyətin xarakterindən asılıdır.
Publika.az xəbər verir ki, bu barədə Lenta.ru-ya psixoloq İrina Ulyanova deyib.
"Məsələn, həkimlə satış menecerinin iş yükünü müqayisə edə bilmərik, çünki bu, tamamilə fərqli bir məsuliyyət və sinir sisteminə yükdür. Psixi və sinir sistemi qərarlar qəbul etməkdən və işlərinin digər insanların emosional və fiziki təhlükəsizliyinə təsirini analaiz etməkdən də çox yorulur. Buna görə işçilərin artan iş yükünü "xəstəxanada orta temperatur kimi ölçmək" mənasızdır, hər bir fərdi ixtisas üçün göstəriciləri göstərmək daha yaxşıdır", - ekspert əlavə edib.
Psixoloq həm də bədənin həddən artıq iş yükünə məruz qalmasının mənfi tərəfələrini izah edib.
1. Konsentrasiyanın azalması
Sənədlərdə və ya yollarda səhvlərə səbəb ola bilər. Yeri gəlmişkən, telefon fırıldaqçılarının qurbanları çox vaxt sinir sistemi həddindən artıq yüklənmiş insanlardır, buna görə yalanları tuta və təhlükəni hiss edə bilmirlər.
2. Artan həssaslıq
Xırda şeylər bizi əsəbiləşdirə bilər və adi hadisələrə reaksiya qeyri-adekvat olacaq. Qlobal miqyasda bu, əhali arasında əsəbiliyin artmasına səbəb ola bilər və nəticədə münaqişəli vəziyyətlərin sayı artacaq.
3. Stress döngüsü
Sinir sistemi stress döngüsünə keçir və insan istirahət edə bilmir. Bu, çox vaxt müalicəsi çətin olan xəstəliklərə və əsəb pozğunluqlarına səbəb olur.
Aytən Məftun