Qızdırmanın qalxması orqanizmin təbii qoruyucu mexanizmidir. Qızdırmanın qalxmasına səbəb olan xəstəlik və pozulmalar çoxdur.

Əksər hallarda qızdırma orqanizmə virus, bakteriya, toksin, zəhər və s. patogenlərin daxil olmasına cavab olaraq qalxır. Lakin bunun digər, daha az bilinən səbəbləri də var. Qızdırmanın qalxmasına mütləq fikir vermək və bunun səbəbini araşdırmaq lazımdır. Bəzi hallarda qızdırmanın “simptomsuz” qalxması çox ağır xəstəliklərə və hətta xərçəngə işarə edə bilər.

Nəzərə almaq lazımdır ki, bütün insanlarda normal qızdırma 36,6 C dəyil. Bu orta rəqəmdir. Bəzi insanlarda normal bəsən hərarəti 35,9, digərlərində 37,0 C-dir. Bu səbəbdən hər bir insan öz normal bədən hərarətini bilməlidir.

Saglamolun.az oxucularını qızdırmanın qalxmasna səbəb olan xəstəlik və pozulmalarla tanış edir:

- Soyuqdəymə, qrip, digər virus infeksiayaları (rinovirus, koronavirus, adenovirus və s.)

- Uşaq infeksion xəstəlikləri (suçiçəyi, məxmərək, parotit və s.)

- Pnevmoniya (sətəlcəm)

- Vərəm

- Meningit (beyin qişalarının iltihabı)

- Tonzillit (angina)

- Otit (qulaq ilstihabı)

- Böyrəklərin iltihabı

- Qalxanvari vəzinin fəaliyyətinin pozulması (tireotoksikoz)

- Xərçəng xəstəlikləri

- Sifilis

- İnfeksion mononukleoz

- QİÇS

- Revmatizm

- Zəhərlənmə

- İstivurma, günvurma

- Psixogen qızdırma (qızdırma ağır stresə cavab olaraq qalxa bilər)

- Hipotalamus (termorequlyasiya prosesinə cavabdeh olan beyin hissəsi) xəstəlikləri

- Autoimmun xəstəliklər

- Qanazlığı

- İnfarkt

- Endokardit (ürək qışalarının iltihabı)

- İnsult

- Beyin ödemi və s.

Gördüyünüz kimi, banal soyuqdəymədən başqa qızdırma bir çox ağır və təhlükəli xəstəliklərin simptomu ola bilər.