Mitoxondrial disfunksiya — hüceyrələrdə enerji istehsalına cavabdeh olan mitoxondrilərin normal fəaliyyətinin pozulmasıdır.

Medicina.az xəbəe verir ki, nəticədə hüceyrələr enerji çatışmazlığı yaşayır və bu, xüsusilə yüksək enerji tələbatı olan orqanların — beyin, ürək, skelet əzələləri, qaraciyər və böyrəklərin funksiyasına mənfi təsir göstərir.

Mümkün səbəblər: Genetik (birincili mitoxondrial xəstəliklər), yaşlanma, xroniki iltihab, oksidativ stress, infeksiyalar, toksiki təsirlər (ağır metallar, alkoqol, bəzi dərman preparatları), metabolik pozulmalar (şəkərli diabet, piylənmə), vitamin və mineral çatışmazlıqları, xroniki stress və yuxu çatışmazlığı

Mümkün əlamətlər: xroniki yorğunluq, əzələ zəifliyi, diqqət və düşünmədə çətinlik ("beyin dumanı"), yaddaş və konsentrasiya pozulması, baş ağrıları, əzələ ağrıları, tez yorulma, tez-tez xəstələnmə, xəstəlikdən sonra gec bərpa olunma, həmçinin, ürək-damar, sinir və mədə-bağırsaq sistemi ilə bağlı müxtəlif funksional pozulmalar (ürək döyüntülərinin artması, sinir oyanıqlığı…)

Mitoxondrial disfunksiyanın korreksiya alqoritmi

1. Səbəbin, yəni mitoxondrilərin fəaliyyətini pozan əsas faktorların (xr. infeksiyalar, endokrin pozulmalar, xr. stress və s) müəyyən edilməsi və aradan qaldırılması.

2. Həyat tərzi amillərinin korreksiyası (sağlam qidalanma və şəkərin, ultra emal olunmuş qidaların, trans yağların minimuma endirilməsi; keyfiyyətli yuxu, orta intensivlikdə aerob məşqlər, axşam saatlarında süni işıq mənbələrinin minimuma endirilməsi, çatışmazlıqların korreksiyası (vit. D, B qr. Vit, Mg, Omega-3 yağ turşuları…)