Qazaxıstanda səhiyyə sahəsində tətbiq olunan yeni texnologiya diqqət çəkən nəticələr verib.

E-saglam.az xəbər verir ki, ölkədə istifadə olunan Cerebra AI sistemi insult diaqnostikasında prosesi əhəmiyyətli dərəcədə sürətləndirib.

Süni intellekt platforması KT görüntülərini cəmi 5–10 dəqiqə ərzində analiz edir. Müqayisə üçün qeyd olunur ki, ənənəvi üsullarla bu proses təxminən 30 dəqiqə çəkirdi. Bu fərq həkimlərə daha operativ qərar verməyə və xəstələrə vaxtında müdaxilə etməyə imkan yaradır.

Nəticədə insultdan ölüm halları 40 faiz azalıb.

Məlumata görə, 2025-ci ilin sentyabr ayından etibarən sistem vasitəsilə 7600-dən çox pasiyent müayinə olunub. Bu müddətdə vaxtında müalicə alanların sayı isə 150 faiz artıb. (Ölkə.az)