Baş ağrıları insult demək deyil, başı ağrıyan insult olmaz deyirlər, amma bəzi baş ağrıları var ki, gələcəkdə beyini insulta qədər gətirib çıxara bilər.

“Medicina” xəbər verir ki, tibb elmləri doktoru, nevropatoloq Yan Vlasov nə cür baş ağrısının insultla təhdid etdiyini açıqlayıb.

Təzyiq hissi və ya başın sıxılması ilə müşayiət olunan gərginlik baş ağrısı insulta səbəb ola bilər.

Onun sözlərinə görə, bu ağrı, alında, eləcə də başın hər yerində təzyiq şəklində özünü göstərə bilər, adətən ağrı stress və ya psixo-emosional həddindən artıq gərginliklə baş verir.

"Xroniki baş ağrıları damarların xroniki spazmları ilə baş verir. Bu, insult və digər problemlərə səbəb ola bilər. Belə hallarda illərlə müalicəsiz qalmaq, özbaşına dərman içmək yox, peşəkar nevroloqa müraciət etmək lazımdır”.