Əgər kişilər yalnız 58 yaşında qocalmağa başlayırsa, qadınlarda bu hiss 29 yaşında başlayır.

“Medicina” xəbər verir ki, alimlərin apardığı sorğunun nəticələrinə görə, zərif cinsin nümayəndələrinin 25%-dən çoxu başlarında ilk ağ saçları gördükləri zamandan qocalmağa başlayırlar.

Kişilər isə yaşının keçdiyini yalnız yataqda problemlər olduqda anlayır.
Psixoloqlar isə belə düşünür ki, psixologiyada bu cür fərq gender fərqləri ilə deyil, cəmiyyətdə gəncliyə və gözəlliyə münasibətlə bağlıdır.

Müasir qadın kino və sosial şəbəkələrin cəmiyyətə təqdim etdiyi bədən quruluşunu itirdikdə, özünü qocalmış hiss edir.

Lancaster Universitetinin psixologiya üzrə professoru Keri Kuper araşdırmanın nəticələrini belə şərh edib:

"Müasir cəmiyyət qadın cəlbediciliyini çox yüksək qiymətləndirir. Kişilər gözəl görünməyə borclu deyillər, onlar üçün əsas yaxşı sevgili olmaqdır. Amma qadınların zahiri qüsursuz olmalıdır kimi tələbi var. Qadın bu ideala oxşamadığını görəndə qocalmağa başlayır”.

Professor Kuper vurğulayır ki, 30 yaşına kimi qadınlar evlilik və uşaq haqqında düşüncələr üçün tam yetkin olur, kişilər üçün isə bu yaş dövüründə karyera ön plandadır:

“Ona görə də təqaüdə çıxana qədər demək olar ki, qocalmırlar. Qadınların daha 50% -i hamiləlik, əmizdirmə və sadəcə çəki artımından sonra da özlərini yaşlaşmış hiss edirlər”.